Soneto je fulga kameno
nur blanka vintro estas bela
dum malpuraĵojn kovras neĝo
kaj ĉie regas frosta reĝo
la mondo fariĝas fabela
malgraŭ tiu sorĉa etoso
vetero ne estas ŝatata
ĉiutageco turmentata
ofte algvidas al kaoso
tamen restas tempo por miro
en kiu surprize alvenas
pri milda printempo sopiro
oni devas vintron indulgi
malvarmigadon ne eltenas
kameno kiu emas fulgi
Jan Stanisław Skorupski
Zuriko, la 9-an de januaro 2010
» Sonetciklo pri diversecoj