Soneto pri Esperantio

mi sentas ke mia verkado
en Esperanto estas ĝena
ĉar por legantoj ne eltena
kaj maltaŭga por babilado

plimulto da esperantistoj
miajn sonetojn ne komprenas
pro tio min la lingvo trenas
al la poliglotaj verkistoj

Jonathan Cooley – malkonata
Brendon Clark – kiu lin konas?
Wolfgang Günther – nulhore fata

reciproke Esperantio
per propraj mumioj imponas
enua ideologio

Jan Stanisław Skorupski
Zuriko, la 15-an de marto 2009

» Apudkongrese