Soneto pri Gavrilo Princip

ĉu heroo aŭ ĉu bandito?
denove staras monumentoj
kun entuziasmaj komentoj
pri jugoslavia dungito

Gavrilo Princip per du pafoj
provokis teruran militon
kaj jugoslavian meriton
detruis liberum-maltrafoj

nun oni denove meritas
lin sed jam sen Jugoslavio
estas merito je nenio

Tito kreis komunan ŝtaton
slavoj volis ĝian disbaton
Princip-ideo malprofitas


Zuriko, la 28-an de junio 2014









» Portalo de plezuro