Soneto tempe dividita

vetero venas sen aŭguro
pejzaĝo vintre kaj somere
aspektas alimaniere
jartempe ŝanĝiĝas naturo

alkutimiĝo daŭre restas
sed depende de kontinento
kontraste la sama momento
varmigas aŭ froste molestas

homoj akceptas senkondiĉe
temperaturajn fenomenojn
parte triste parte feliĉe

je la principo fundamenta
rememorante du promenojn
dum ambaŭ mi estis kontenta

Jan Stanisław Skorupski
Zuriko, la 14-an de februaro 2010

» Promeno vintra
» Promeno somera