Soneto pri ĉiutageco
ĉiutage griza vetero
timigas nin per ŝtorma vento
kaj de momento al momento
tago ŝanĝiĝas al vespero
ĉiutage unu koncerto
malgraŭ ĉiu tute alia
pro bona arto idilia
ĝuste laŭ antaŭa oferto
ĉiutage novaj kontrastoj
imponas per originaloj
aŭ nervozigas per banaloj
ĉiutageco per fantastoj
devigas nin al improvizoj
inter certecoj kaj surprizoj
Jan Stanisław Skorupski
Zuriko, la 1-an de marto 2010
» Sonetciklo pri diversecoj