Soneto pri arto tro arta
se iu disŝutas tinkturon
se iu plen-nude supriĝas
se iu kverele mokiĝas
se iu postludas naturon

li povas famigi pentraĵon
ĉar gravas jam ne plu videbla
sed nur nova form' konceptebla
vizitu pri ĝi vernisaĵon

kun granda transport-poezio
mi iris al la "dokumenta"
diskuti pri post-herezio

restaĉ' de ekspresionistoj
(falsuma ideo momenta)
hund-koto al postmodernistoj
Zuriko, la 16an de aŭgusto 1995