Soneto por art-mecenatoj
VIN FELIĈO SERĈAS fantomoj
POETO SERĈAS MECENATON
oni legas nun konkordaton
zorgante pri freŝaj legomoj

antaŭ ol vin prenos amaso
provu kompreni poezion
toleru punan amnezion
forgesu pri tempo-forpaso

trapikis vin sago amora
ne ĝenu iun pro sekretoj
alvenas periodo kora

pli gravas MERITO SPONSORA
kaj danka voĉo de poetoj
ol honor-titolo doktora
Zuriko, la 5an de majo 1997