Soneto pri Gerling-nenio
mi skribis al diversaj homoj
al mizeruloj kaj riĉuloj
al trist-amantoj kaj ŝerculoj
en multaj fakaj idiomoj

ricevis mi ĉiam respondojn
konkretajn aŭ tre malprecizajn
afablajn aŭ kolere krizajn
finfine tralegis mi hontojn

l' posedant' de akademio
respondas pere de dungito
eble daŭras epidemio

lernejo ne tro serioza
por ke li estu okupito
verŝajne nur puf-grandioza
Zuriko, la 25an de junio 1997