Soneto balance emfaza
oni diris "skribu sonete"
mi estis ja aventuristo
sed ne iu ajn petrarkisto
mondon mi pritraktis pamflete

finfine mi tamen ĝin verkis
la soneton pri Venecio
povis okazi en Francio
sed ĝuste gondole mi ĉerkis

tuj venis problem-ĉirkaŭaĵoj
je konstruado de la frazoj
inspiris min malfacilaĵoj

mi devis trovi propran formon
provoke balancis emfazoj
kaj tial trapaŝis mi normon
Trachsellauenen, la 25an de julio 1997