Soneto pri venko de Dana
mi skribis mane invitilojn 
dum l' tuta sabatposttagmezo 
estis tre enua procezo 
tamen mi ne faris paskvilojn 

Barbara min petis rigardi 
komune televidajn ŝlagrojn 
ankaŭ usonajn meleagrojn 
mi devis miajn nervojn hardi 

venkis Dana de Izraelo 
tute prave ĉar ŝi imponis 
per vervo kaj per sona belo 

meznokte mi salutis fraton 
kaj nasknomtage mi proponis 
trinki alkoholsurogaton 
Zuriko, la 9an de majo 1998