oni legas en artrevuoj 
pri netravideblaj komparoj 
kun sensaciaj kontraŭstaroj 
per morale ekstremaj skuoj 

enhavoj kun fiaj blasfemoj 
venenaj per rata humoro 
kanajla malpura fetoro 
densiĝas en estetaj temoj 

la arto nomiĝas turpismo 
atingi belo per malbelo 
perverse utila artismo 

ne por mi la primitivismo 
sen uzo sen prezo sen celo 
mi restas ĉe aventurismo