Soneto je erar-enigmoj
ni ĉiuj malkovras erarojn 
ankaŭ en nia pasinteco 
kaj poste alvenas ebleco 
fari respektivajn komparojn 

tamen ni vidas eraretojn 
kiujn ni ne povas akcepti 
scii pri ili kaj percepti 
pro aŭ kontraŭ juĝi konkretojn 

mi povas eĉ saĝulojn citi 
kiel ili iam eraris 
ekskuzon mi volas eviti 

mi konfesas tute sincere 
ke mi multajn erarojn faris 
tion mi pritraktas tolere
Zuriko, la 3an de januaro 2002