Soneto pri dorno de rozo
sur tiu ĉi skriba etapo 
obstine daŭras redaktado 
de longa ciklo SONETADO 
mi sentas tumulton en kapo 

venas tro da rememoraĵoj 
sed tro malmulte novaj faktoj 
ĉio devenas de kontaktoj 
ne nur de belaj vidindaĵoj 

inspiron mi ne povas verki 
pri tio mi ofte menciis 
rozoj certe ne povas kverki 

pasinteco estas enua 
nuntempo ĝuste malfunkciis 
nur historio restas brua
Zuriko, la 24an de majo 2005