HODIAŬ ESTAS MIA NASKIĜTAGO
filozofie
frat' serĉas fraton
ĉiam fobie
truka kortuŝo
alian flankon
putra kunfuŝo
Aujourd'hui c'est mon anniversaire
Hodiaŭ estas mia naskiĝtago
silentas voĉoj
tero laciĝas
sen gut' de roso
ne estas verdo
brakoj kruciĝas
jen nia perdo
Aujourd'hui c'est mon anniversaire
Hodiaŭ estas mia naskiĝtago
dezerto flamas
birdoj ne trilas
fajro tre dramas
ŝvelas kanonoj
steloj ne brilas
venas fantomoj
Aujord'hui c'est mon annivesaire
Hodiaŭ estas mia naskiĝtago
haltintaj gestoj
lasta scenejo
mutaj protestoj
kapo tirana
hienhurlejo
prezo humana
Aujourd'hui c'est mon anniversaire
Hodiaŭ estas mia naskiĝtago
lasta pafado
majstra ĉapelo
mola balado
granda ruino
en la kastelo
jen homa fino
Aujourd'hui c'est mon anniversaire
Hodiaŭ estas mia naskiĝtago
ŝtono ornamas
lumas aŭroro
amaso bravas
suno vekiĝas
polenas floro
beboj naskiĝas
Aujourd'hui c'est mon anniversaire
Hodiaŭ estas mia naskiĝtago
En tiu ĉi poemo oni povas laŭvole transloki la versojn
ĝis infinito.
Mia naskotago daŭras dum la tuta jaro dumvive
kaj daŭros ankaŭ post mia morto...
De la libro "...por kompreni polojn"
Jan Stanisław Skorupski
Berlin, la 18an de julio 1991
» Fotobiografio
» Soneto por mia nasktago
Hodiaŭ estas mia naskiĝtago - kantas la aŭtoro» Mi ne naskiĝis en Slovakio
www.skorupski.com
design Kilu