Soneto komence de fino

ĉiam komence de decembro
alvenas sento de trapaso
homo perdita en amaso
senvole restas ĝia membro

finiĝas jara kalendaro
laŭ kutimo kun embaraso
ne pro alveno al Parnaso
sed pro suferita amaro

decembro per festoj abundas
ankaŭ esperantistoj festas
eĉ se l' angla ilin inundas

tempo fluas kaj ofte vundas
ĉar diversaj plagoj molestas
homaron - espero ne grundas


Zuriko, la 1-an de decembro 2010







» Sonetciklo tempe frivola