Soneto pri populareco
mia avo tre ofte vokis
ke saĝulo skribas por ludi
kaj stultulo legas por studi
li multajn ofende provokis

ĵurnalist' min iam demandis
kial mi kun ĉiuj parolas
kaj kun li mi tute ne volas
malice frenezon li randis

redaktor' ja estis pario
kaj poste riĉiĝis eldone
pro volo de stulta nacio

sen gusto gazeto mizera
tuj karieriĝis impone
pripensu leganto kolera
Zuriko, la 10an de marto 1995