kapelon mi vidis ĉe l' vojo
la nomon skribitan sur muro
ĉu sciis li ke la futuro
multurbe ĝin skribos kun ĝojo

li estis bibliotekisto
en Pola Muzeo - trankvilo
veturu hom' al Rapersvilo
vi sentos vin tuj vic-verkisto

li volis skui konsciencon
kverele lin aŭdis popolo
kaj krome alian frekvencon

nur antaŭprintempe denove
somero cindriĝas sen volo
naci' ebriiĝas senpove