Soneto pri Andrzej Skorupski
ne havas kuraĝon sed diras
verŝajne li volas babili
biere ĉu povas utili
se li pri salatoj ne miras

la pensoj troviĝas en aŭto
sekretojn li kaŝas eĉ sejme
ĉar stable li vivas ne hejme
riĉ-korte regadas mallaŭto

por tempon travivi verkante
ne devas li esti poeto
sufiĉas la sola ideo

kompanojn ne kredi riskante
ne ĝoji pri iu ajn neto
scivole restadi ĉe kreo
Zuriko, la 22an de novembro 1995