rigardas mi la desegnaĵojn
eĉ ŝatas mi kelkajn artistojn
precipe postpostmodernistojn
sed jam ne iliajn artaĵojn

la verkoj jes tro primitivaj
kun tute diversspecaj spuroj
en tekstoj mizeraj postkuroj
miaj sentoj estas pasivaj

videbla ĉie "nova ondo"
tumulto pensas ke miraklo
ĉu ne arbohakista rondo

mond' dronas en postmodernismo
ne kaptos min tiu obstaklo
prefere silent-neniismo