Soneto pri pli bona loko
se ĵetos vin sort' al Zuriko
memoru ke Stacidomstrato
por mondo restadas formato
plej riĉa blasfeme butiko

post horo en urbo Lucerno
ĉe Lago de Kvar eĉ Kantonoj
ignoru... mokon de subtonoj
pasive ridu en interno

kaj eĉ ne trovante pli belan
terenon sur nia terglobo
vi povas malkovri pli celan

sciante multe pri kulisoj
pli bone kun hejma aprobo
Svision restigu por svisoj
Zuriko, la 5an de junio 1995