Soneto pri flua Danubo
komencis ni je la deksepa
kun veloj sed mankis ja vento
tuj venis terura momento
nin kaptis fluego zum-pepa

dum unu boato jam dronis
sub akvo perdiĝis la skipo
mi remis kun dua ekipo
finfine feliĉon mi kronis

zorgeme ni ĉiujn vivigis
ĝis nun mi repensas pri tio
ke riske ni tiam navigis

post falo mi venkis la zorgojn
en mi maturiĝis konscio
striitajn trapaŝis mi ombrojn
Zuriko, la 17an de julio 1995