oni serĉis l' plej gravajn polojn 
en nuna dudeka jarcento 
venkis papo laŭ pola sento 
Skłodowska ludis duan rolon 

Piłsudski poste Jaruzelski 
tuj poste Zamenhof - mirinde 
ke ne l' unua - bedaŭrinde 
noblistoj kaj frato Chmielowski 

estas lokoj por Iwaszkiewicz 
Żeromski Przyboś kaj aliaj 
literatoroj Prus Kuncewicz 

post la listo de sciencistoj 
venis artistoj idiliaj 
kaj Szewińska inter sportistoj