Soneto dezira sen kartoj
hodiaŭ festas naskiĝtagon 
Teresa kiu iam feste 
gastigis min eĉ tro digeste 
etoso trairis imagon 

mi ne elsendos paskajn kartojn 
laŭ pola tradicia formo 
ĉar mi ne konformas al normo 
rete mi deziros bonfartojn 

trankvile pasis jam Kristnasko 
kaj simile trapasos Pasko 
jen mia vidpunkto sen masko 

mi memoras iamajn festojn 
interfamiliajn molestojn 
pri kiuj mi faris protestojn
Zuriko, la 1an de marto 1996