spontanece naskiĝas vortoj 
se mi skribas "mi" ĉiĉerone 
tiam ne estas mi persone 
sed la respondecaj raportoj 

mi prenas plenan respondecon 
pro ne ĉiam propra enhavo  
sur mia kolo falas glavo 
eĉ se mi primokas prudecon 

tio estas arto agada 
kiu restas ĉiam sekreta 
kaj ne scienco maskerada 

mi defendas min interprete 
artismo ne estas asketa
kaj mi montras vivon pamflete