Soneto kontraŭ eldonisto
la sama homo - du adresoj
pli urĝe skribi al l' doktoro
laŭ la konsil' de l' profesoro
jam kun aliaj interesoj

ne kredas mi ja pri urĝeco
ĉar nur memvolo ne sufiĉas
sen mono amatoro kiĉas
bankoj ne agas por kredeco

mi diris al la eldonisto
ke mi ne plu skribos petilon
ĉar li pozas kiel savisto

poste l' germana televido
montris strangan hipokritilon
por uzi kontraŭ eldon-fido
Zuriko, la 14an de aŭgusto 1997