Soneto je unu letero
al Gerd Bussing mi devas skribi 
ke mi ne venos al Berlino 
pro la pola radia kvino 
tion mi devas min prohibi 

mi ĝois pro tiu vojaĝo 
sed disrevo venis subite 
ke mi estas miksita spite 
al mia propra averaĝo 

iam pri Varsovia Pakto 
kaj nun pri NATO propagando 
ne kun mi tiu ruza takto 

kara Gerd mi vin pardonpetas 
nuna agado de Pollando 
ne plaĉas al mi - mi retretas
Zuriko, la 1an de decembro 1998