Soneto pri supodisdono
mi iris tien kie supon 
oni disdonas por riĉuloj 
ho malĝuste por mizeruloj 
blasfemante tiun okupon 

nun ili volas min konvinki 
ke ili nekredeble falis 
kontraŭ komunismo batalis 
kaj entute ne planis sinki 

"mi devis" diras geologo 
"mi ja ne estis partiano 
sed mi denuncis kun mensogo" 

alia ekzemplo deklara 
"mi spionis nur pro malsano" 
tiu vero estas amara 
Varsovio, la 22an de oktobro 1999