ĉu povus mi ne esti polo? 
mi provis sed provoj fiaskis 
ĉar pola patrino min naskis 
kaj kreskis mi laŭ pola skolo 

forkuris mi poste de l' domo 
al mondo tute nekonata 
sed interese infektata 
per internacia sindromo 

min premas daŭre la polismoj 
eĉ se mi ne plu agas pole 
venas polaj neologismoj 

ekzemple la pajlaj petoloj 
alvenas en sonĝoj ĥoĥole 
kun siaj negativaj roloj