eĉ se neniu min komprenus 
mi daŭre skribus esperante 
obstine pasie konstante 
tiun arton mi entreprenus 

por mi la lingvo estas arto 
medio en kiu mi vivas 
supren moviĝas kaj deklivas 
kun malsukceso aŭ bonfarto 

Samuel Pepys la memoraĵojn 
en propra lingvo tre sekrete 
ĉifrigis farante raraĵojn 

mi legas dum homoj min aŭdas 
la vero aspektas pamflete 
ĉar ili mistemojn aplaŭdas