Soneto plue sen signifo
sen mi la mondo disvolviĝas 
sen miaj provoj kaj sen miroj 
per simple hazardaj trairoj 
je kiuj mi eĉ ne sentiĝas  

pro tio mi fartas tre bone 
kaj mi agas indiferente 
se iu min pritraktas tente 
familiare kaj impone 

meza stato ordinariĝas 
de tio venas komuneco 
kiu eĉ universaliĝas 

ĉu pli aŭ malpli - tio tute 
ne decidas pri vivebleco 
kiu aspektas absolute 
Bastiono de Silento, la 26an de junio 2001