Soneto pri la hejmreveno
„Herzlich willkommen” kun urseto
sidanta sur nesto de pavo 
pendigita sur arkitravo 
estas bonvena surprizeto 

urso simbolas frostan nordon 
pavaj plumoj ekstravagancon 
steleto mian aroganton 
ligantan oportunan formon 

en Bastiono de Silento 
pro diferenco de klimatoj 
(en Egiptujo varma vento) 

ni povas vivi nur per amo 
sed en niaj mizeraj statoj 
sen ĉampano okazus dramo 
Bastiono de Silento, la 2an de aŭgusto 2002