Soneto pri hejmrevenado
mi ripetas tion plurfoje 
eĉ se mi ne volas ripeti 
ke sopiro povas nin treti 
dum ni ie estas survoje 

ĉie estas bone sed hejme 
ni ĉiuj fartas la plej bone 
pro alkutimiĝo impone 
intime do tute ne sejme 

kiu en la mondo perdiĝas  
tiu hejme plene troviĝas 
diras homoj dikaj kaj sveltaj 

sur maroj kaj insuloj deltaj 
en hoteloj eĉ en palacoj 
ni pensas pri propraj surfacoj
Zuriko, la 26an de aprilo 2004