Soneto pri diversaj provoj
"vi provu!" - konsilo severa 
"PLACET EXPERIRI" - Petrarca 
sed kiam provo estas ŝarka 
povas esti ege danĝera 

en mia aventura vivo 
mi provis tre ofte sukcese 
samofte terure ekscese 
falante al ombra deklivo 

nun post multaj diversaj spertoj 
miaj provoj fariĝis raraj 
ne logas min ĉiuj ofertoj 

"vi provu!" - insistas ekspertoj 
zorgu nur pri vi miaj karaj 
min lasu kun miaj asertoj
Zuriko, la 2an de junio 2004