laŭ viaj priskriboj mi timas 
pro viaj hororaj prognozoj 
viaj sanigaj diagnozoj 
per novaj kondiĉoj ne limas 

ni ĉiuj devas iam morti 
tiu evento estas certa 
ĉu via metodo averta 
povas eternan vivon porti? 

ĉiam pensi pri mia stato 
ŝajnas konstante malkomforta 
kun nigraj pensoj venas fato 

ĝis nun mi tre ofte malsanis 
eĉ se mi estis preskaŭ morta 
min bonhumoro akompanis