Soneto kun puno pro pigro
skribi en tago malekzista 
signifas altuŝi abstrakton 
aŭ krei devige malfakton 
kun vento forte malrezista 

ion ajn mi hodiaŭ verkas 
ĉio min maleste molestas 
ĉar tiu tago ja ne estas 
tamen mi ankoraŭ ne ĉerkas 

mi neniun montri min volas 
nek babili nek korespondi 
pro tio mi mem min ventolas 

mi sidas sur sofo kaj revas 
vere mi pigron povas tondi 
sed mi nun pigrecon ricevas
Zuriko, la 29an de februaro 2006