Soneto mondpoezitaga

perdita en tempo kaj spaco
troviĝas en homa animo
kortuŝas per ĝojo kaj timo
per sento sube de surfaco

kaota bruo de moderno
Mondan Tagon de Poezio
devigas al akinezio
dum VORTO revas pri eterno

la poezia materio
konsistas el ĉio kun belo
kaŝita en vorta prerio

“de kio vi vivas?” – demando
“mi estas poeto” – kverelo
absurde koketeca skando

Jan Stanisław Skorupski
Zuriko, la 21-an de marto 2009

» Aventurismo