multfoje mi ŝin disrevigis 
kaj malgraŭ tio ŝi min fidis 
helpis min kaj esperon vidis 
per koreco ŝi min mirigis 

poste mi bedaŭris kaj hontis 
kiam ŝi tute kaŝe ploris 
mi pri konsiloj ne memoris 
sed pri eraroj mi rakontis 

antaŭ ĉio ŝi arde amis 
Jesuon kun Patrin' Maria 
iliaj altarojn ornamis 

nin - la infanojn - zorge flegis 
nia Patrino Rozalia 
sed disciplino ankaŭ regis